Елімізде әскери борышын өтемеген 30 мың қазақстандық іздеуде жүр. Бұл туралы Қазақстан қарулы күштерінің бас штабы Ұйымдастыру-жұмылдыру жұмыстары департаментінің офицері, подполковник Руслан Тапашев айтты, деп хабарлайды Жамбылинфо  Halyq Uni сайтына сілтеме жасап.

Биылғы дерек бойынша Қазақстанда (әскери борышын өтемей – автор) іздеуде жүргендер саны 30 мыңнан асады. 2022 жылы олардың саны 37 мыңнан асқан, - деді Руслан Тапашев ОКҚ-да өткен баспасөз мәслихатында.

Бұл ретте әскери борышын өтемеген қазақстандықтарды жергілікті атқарушы органдар іздеп жатыр. «Жергілікті басқару органдары мен полиция жоспар құрып, азаматтарды іздестіріп, оларды әскерге шақыру пунктеріне жеткізеді», - деді подполковник.