Энергетика министрінің міндетін атқарушы Болат Ақшолақов қазақстандық шаруаларды алаңдамай жұмыс істеуге шақырды, деп хабарлайды Жамбылинфо  Halyq Uni сайтына сілтеме жасап.

Барлығыңыз өте мұқият тыңдаңыздар. Көктемгі дала жұмыстары үшін ауыл шаруашылығы тауарларын өндірушілерге 413 мың дизель отыны бөлінді. Қазір бізде кішігірім түзетулер мен қосымша өтініштер бар: шамамен 420 мың тонна дизель отыны, - деді министрдің міндетін атқарушы ОКҚ-де өткен баспасөз мәслихатында.

Бүгінде мұнай өңдеу зауыттары фермерлерге дизельді уақытында беріп отыр. «Алдымен ауыл шаруашылығы тауарын өндірушілері мен жанар-жағармай құю станцияларына, содан кейін басқа тұтынушыларға (дизель отыны) бөлінеді. Себебі, ауыл шаруашылығы тауарын өндірушілерде мәселе туындамауы керек. ҚТЖ-мен келісіп, вагондарды беріп жатырмыз. Бүгінде бұл вагондар жеткізіліп, жіберіліп жатыр. Областар мен операторлар берген көлемдер бойынша біз әлі ешқандай өзгерістер мен шағымдарды байқаған жоқпыз. Алайда шағым бар. Олар алатын отынның бір бөлігі сапаға сәйкес келмейді дейді: кейбір комбайндар мен ауыл шаруашылығы техникалары сондай отыннан тоқтап қалады екен. Алайда бұл мәселеге қатысты айтарым бар: біздің МӨЗ-ден шығатын барлық отын Еуро-4, Еуро-5 стандарттарына сәйкес келеді. Сондықтан отынның сапасыз болуы мүмкін емес. Бұл жергілікті деңгейдегі қандай да бір манипуляция немесе айла-тәсіл. Оған құқық қорғау органдарының назарын аудару қажет», - деді Болат Ақшолақов. Ведомство басшысы шаруаларға қажет дизель уақытында берілетінін, ол қымбаттамайтынын атап өтті.

Қайталап айтайын, көктемгі дала жұмыстанына бөлінген (дизель отынының) көлемі ауыл шаруашылығы тауарын өндірушілеріне жеткізіледі. Тіпті, біз (дизельдің) шекті бағасын өзгертсек те, оның бағасы өзгермейді. Ауыл шаруашылығы тауарын өндірушілері үшін көктемгі дала жұмыстарының соңына дейін баға тоннасына 222 мың теңге немесе литріне 184 теңге болып қалады. Мен олардың тыныш жұмыс істегенін қалаймын, - деді ол.

Айта кетейік, бұған дейін Қазақстанда жанар-жағармай қымбаттайтыны хабарланған еді.