2024 жылы Абай облысында жалпы ұзындығы 467 шақырым болатын 18 жаңа сумен жабдықтау нысаны салынды. Бұл шара 14 691 тұрғынды таза ауыз сумен қамтуға мүмкіндік берді, - деп хабарлайды Jambylinfo.kz

Семей қаласында Восход, Водный, Красный Кордон, Лодочный, Зағиптар қоғамы және басқа да аудандарға таза су жеткізілді. Сондай-ақ Жаңасемей, Абай, Ақсуат, Бесқарағай, Бородулиха, Үржар аудандарында Половинки, Ақбұлақ, Бөрілі, Ерназар, Жетіжар сияқты ауылдарға су тартылды.

2024 жылдың соңына қарай өңірдегі сумен қамту деңгейі 92,8%-дан 95,3%-ға дейін көтерілді.

Облыс әкімінің орынбасары Димитрий Гариков 2025 жылы 26 жоба іске асырылып, ауыз сумен қамтамасыз ету көрсеткіші 100%-ға жететінін мәлімдеді.

«100% қамтамасыз етуге қол жеткізу үшін 2025 жылы 26 жобаны іске асыру жоспарланған. Оның 15-і 2024 жылдан ауыспалы жоба, 11-і жаңа жоба, оның ішінде 8-і Семейде және 3-і ауылдық жерлерде. Барлық 26 жобаны іске асыру 28 511 адамды қамтиды және сумен қамтамасыз ету 100% жетеді», - деп атап өтті Димитрий Гариков.