Бұл өзгерістер Лондондағы Хитроу әуежайының жабылуына байланысты, - деп хабарлайды Jambylinfo.kz 

Алматы – Лондон және Лондон – Алматы бағытындағы KC663/664 рейстері 22 наурызға ауыстырылды. Жолаушылардан рейс мәртебесін әуе компаниясының ресми сайтынан тексеріп отыру сұралады.

Хитроу әуежайы 21 наурыз күні сағат 23:59-ға дейін жабық болады. Бұған электр қосалқы станциясындағы ірі өрт себеп болды. Өртті сөндіруге 70 өрт сөндіруші жұмылдырылып, оқиға орны қоршауға алынған. Оқиға салдарынан 16 мыңнан астам үй жарықсыз қалды, ал 150-ге жуық адам эвакуацияланды.