Биыл қалалық бюджеттің кірістері 58,9 млрд. теңгені құрап, өткен жылмен салыстырғанда 14,9 млрд. теңгеге артты. Бұл туралы Тараз қаласының әкімі Бақытжан Орынбеков БАҚ өкілдерімен өткен брифингте мәлімдеді. "Оның ішінде, салықтық түсімдер – 23,3 млрд. теңгеге немесе 4,8 млрд теңгеге (2022 ж – 18,4 млрд. теңге), салықтық емес түсімдер – 350,0 млн.теңге немесе 10,8 млн.теңгеге (2022 ж – 339,2 млн. теңге), негізгі капиталды сатудан түсетін түсімдер – 15,6 млрд. теңге сомасында жоспарланды (2022 ж – 10,5 млрд. теңге).    Бұдан бөлек, жоғары тұрған бюджеттерден жалпы сомасы 19,6 млрд. теңге көлемінде нысаналы трансферттер бөлінді. Оның ішінде, 9,6 млрд. теңге даму трансфертері болса, 10,0 млрд. теңге ағымдағы мақсатты трансферттер."- деді шаһар басшысы.