Олар уақытша баспана таба алмай жүр. Әкімдік ресми жалға берілетін пәтерлерге ғана ақша бөлінетінін хабарлаған. Ондай пәтер тым аз, болған күннің өзінде қымбат. Жергілікті билік ұсынған қаржы оның біріне де жетпейді деп назын айтты тұрғындар. Қызыл жалынның құрсауында қалған 16 қабатты үйде 96 отбасы тұрған, деп хабарлады Jambylinfo.kz КТК-ға сілтеме жасап.  Әкімдіктің талабы мынадай: бір бөлмелі баспана – 200 мың, екі бөлмелі – 300 мың, үш бөлмелі пәтер – 400 мың теңгеден аспауы қажет. Әр тұрғын өзі жалдап тұратын үй иесімен жасасқан келісім құжатын көрсетуі керек. Көмек екі айға қарастырылған.