Балалар саны көбеюіне байланысты «Ұлттық қор – балаларға» жобасы аясында кәмелетке толмаған балалардың шотына 150 доллардан емес, 100 доллардан түскен. Бұл туралы қаржы вице-министрі Дәурен Темірбеков мәлімдеді, деп хабарлайды Jambylinfo.kz. Бұған дейін үкіметтегілер балалардың арнаулы жинақтаушы шотына болжаммен 150-160 доллар түсетінін мәлімдеген еді. Алайда кеше балаларға небәрі 100 доллардан аударылғаны белгілі болды.

«Иә, біздің есептеулер бойынша 160 доллар деп айтылған еді. Сіздер білесіздер, президент бұл бастаманы алғаш рет 2022 жылы көтерді, тапсырма берілді. Сол кездегі есептеулерге сәйкес, балалардың саны 6 млн 400 болатын. Бүгінде балалардың саны – 6 млн 917 мың. Сол есептеулерге сүйенсек, бүгінде бөлініп жатқан қаражаттың сомасы – 695 млн доллар. Оны енді 9 919 131 балаға бөлетін болсақ, 100 доллар 52 центтен шығып тұр», деді Темірбеков сенат кулуарында журналистер сұрағына жауап беріп.