Астанадағы Ұлттық музейдің атриумынан экс-президент Нұрсұлтан Назарбаевтың ескерткіші алынды, деп хабарлайды jambylinfo.kz. Ұлттық музейдің баспасөз қызметі БАҚ өкілдеріне осы мәселге қатысты ресми түсініктеме таратып, экс-президенттің ескерткіші атриум концепциясының өзгеруіне байланысты алынғанын мәлімдеді.

«Бұл экспонат (экс-президент Нұрсұлтан Назарбаевтың ескерткіші - редакция) музей мүлкі болып табылады және Атриум тұжырымдамасының өзгеруіне байланысты музей қорында тұрақты сақтауда болады», - деп хабарлады музейдің баспасөз қызметі.

Айта кетейік, музей өзінің биылғы 10 жылдық мерейтойына байланысты осы және өзге де өзгерістерді жоспарлап отырғаны белгілі болды.