Атырау қаласында 11 жастағы бала лифт шахтасына құлап кетті. Оқиға баланың велосипедімен лифтіге кірмек болған сәтінде орын алған, деп хабарлайды Jambylinfo.kz  qrnews.kz cілтеме жасап.

Алдын ала мәлімет бойынша, лифт есіктері автоматты түрде жабылып, бала сыртта қалып, ал велосипеді есік пен лифт кабинасының арасында қысылып қалған. Осы кезде лифт жоғары көтеріле бастаған. Бала велосипедке жармасып тұрғанымен, бір мезетте қолын жіберіп алып, ашық тұрған шахтаға құлап кеткен.

Бақытқа орай, бала тірі қалып, ауыр жарақат алған жоқ. Оқиға орнына жедел жеткен медициналық қызмет оны дереу ауруханаға жеткізіп, алғашқы көмек көрсеткен.