Оның айтуынша, қазір медициналық мекемелерде COVID-19-дан вакцина жоқ. 

«Қазір коронавирус инфекциясынан вакцина жоқ. Ол бізге керек те емес. Егер эпидемиологиялық жағдай өзгерсе, «OtarBioPharm" бір айда қажет дозасын шығарып береді. Бірақ Дүниежүзілік денсаулық сақтау ұйымының  ұсынымы бойынша қазір бүкіл халыққа коронавирустан вакцина салдыруға немесе ревакциянация жасауға қажеттілік жоқ», деді Есмағамбетова сенат кулуарында журналистердің сұрағына жауап беріп. 

 

Тіпті, халықтың осал топтарына екпе егу-екпеу мәселесін де әрбір ел эпидемиологиялық жағдайға қарай өздері шешеді. 
Вице-министр коронавирустың маусымдылығы әлі анықталмағанын айтады. Инфекция жыл он екі бойы тіркеліп отыр. 
Бұған дейін Қазақстанда жыл басынан бері COVID-19 жұқтырғандардың саны екі есеге өскені хабарланған болатын. Ресми мәліметке сүйенссек, қаңтар айында 477 адам вирус жұқтырған. Басым бөлігі Алматы мен Астанада тіркелді. 

Ақпан айының басында еліміздің медициналық мекемелерінде маска режимін енгізу туралы қаулы қабылданды. Сонымен қатар азаматтарға халық көп жиналатын орындарда да бетперде тағу ұсынылды.