Қаладағы №23 балабақша мемлекеттік сатып алу порталында 18 мың литр сүтті 50,6 миллион теңгеге сатып алу туралы хабарландыру жариялаған, - деп хабарлайды Jambylinfo.kz. Балабақша сүттің бір литрі 2 812 теңгеден есептеген.

"Нарықтағы дәл осындай (майлылығы 2,5 пайыз) сүттің орташа бағасы 345 теңге. Егер сатып алу жүзеге асқан жағдайда, бюджет қаражатынан 44,4 миллион теңгеге негізсіз артық жұмсалар еді", – деп хабарлады жергілікті прокуратура.

Сонымен қатар, №102 балабақша 14,5 мың килограмм картопты 19,4 миллион теңгеге сатып алмақ болған. Яғни бір килограмы 1 340 теңгеден есептелген, ал дүкендерде картоптың әлеуметтік бағасы 120 теңге, ал орташа нарықтық құны 380 теңге.