Мемлекеттің әлеуметтік қолдау шаралары аясында 2025 жылы 2,5 миллион зейнеткерге зейнетақы төлеу үшін республикалық бюджеттен 4,2 триллион теңгеден астам қаражат бөлінеді,- деп хабарлайды Jambylinfo.kz.

Бұл қаражат келесі мақсаттарға бағытталады:

• 2 867,7 миллиард теңге – ынтымақты зейнетақы төлемдеріне,

• 1 363,6 миллиард теңге – базалық зейнетақыны төлеуге жұмсалады.

Министрліктің мәліметінше, 2025 жылы базалық зейнетақы мөлшері ең төменгі күнкөріс деңгейінің 70%-дан 110%-ға дейінгі аралығында белгіленеді. Бұл қадам зейнеткерлердің әл-ауқатын арттыруға және олардың әлеуметтік жағдайын жақсартуға бағытталған.

Сонымен қатар, жинақтаушы зейнетақы жүйесіне қатысушыларға Бірыңғай жинақтаушы зейнетақы қорынан төленетін орташа төлем мөлшері 35 мың теңгені құрайды. Бұл жүйе болашақта зейнеткерлердің қосымша табыс көзіне айналуы мүмкін.

Мемлекет зейнетақы жүйесін жетілдіру және азаматтардың қаржылық тұрақтылығын қамтамасыз ету мақсатында әлеуметтік саясатты одан әрі дамытуды көздеп отыр.