«Өздеріңіз білетіндей, 29 қыркүйекте ақпарат берілген болатын. Тек мемлекет инфрақұрылымына емес, Қазақстанның жалпы инфрақұрылымына шабуылдардың күшейіп бара жатқаны жөнінде ақпарат таратқан болатынбыз. Бізде арнайы Мемлекеттік-техникалық қызмет деген бар. Олар сол шабуылдардың салдарын зерттеп, қайтадан бізге шабуылдар болған кезде төтеп беру үшін тиісті жұмыстарды жүргізіп жатыр. Яғни мониторинг жұмыстарын күшейтіп, шабуылдар қайдан қалай келіп жатқанын, түгелі зерттеу үшін жұмыс жасап жатыр», - деді ол.

«Оған қоса жалпы өзіңіз білетіндей, тек біз мемлекеттік органдардың интернет-ресурстарын кибершабуылдан сақтап қалу емес, жалпы Қазақстанның киберқұрылымын сақтап қалу үшін іс-шараларды жасап жатырмыз. Кейбір ақаулықтар біздің мемлекеттік органдарға да белгілі болмауы мүмкін. Сондықтан, кейбір кибершабуылдан болған кезде КЗ.СЕРТ деген ұйым бар. Сол ұйымға телефон шалып, ақауды соған хабарлауды ұсынамыз», - деді министр.

«Киберқалқан шеңберінде толыққанды зерттеу жүргізіледі. Біз жұмыс істеп жатырмыз. Кейде техникалық ақау болады. Оны бәріміз сезіп жатырмыз. Бірақ кішкене күту керек. Бізде кибершабуылдар көбейіп кетсе, инфрақұрылымыз құласа, интернет мүлдем жұмыс істемей қалуы мүмкін. Ақаулар болады. Жалпы интернет жұмыс істеп тұр ғой. Оны жоқ айтуға болмайды», - дейді ол.