Ұлттық банктің мәліметінше, 2023 жылдың желтоқсанында айырбастау пункттерінде 176 млрд теңгеге шетел валютасы сатылған, деп хабарлайды  Jambylinfo.kz 

Бұл қараша айындағы 228 млрд теңгеден 27%-ға кем. Ал 2022 жылмен салыстырғанда сұраныс 34,8%-ға қысқарған.

Рубль бойынша жағдай ұқсас. Қазақстандықтар ресейлік валютаны сатып алудан гөрі сатуды жиілеткен. Желтоқсан айында айырбастау пунктеріне 4,4 миллиард теңгеге рубль өткізілген, ал қазан айында бұл көрсеткіш 8,8 миллиард теңге болған.

Еуроға да сұраныс төмендеген. Қараша айында 22,9 миллиард теңгеге еуро сатып алынса, желтоқсан айында бұл көрсеткіш 18,4 миллиард теңгеге дейін қысқарған.

Бақытжан Бекболат