Катарда футболдан өткен әлем чемпионатынан кейін Аргентина құрамасының шабуылшысы Лионель Месси тұрған бөлме музейге айналады. Бұл туралы Катар университеті хабарлады. Чемпионат кезінде команда тұрған оқу орнының қалашығы Аргентина туы іспеттес – көк және ақ түстермен безендірілді. Онда әлем чемпиондары бейнеленген плакат, олардың қолтаңбаcы бар футболкалар қойылды. Еске сала кетсек, Катардағы әлем чемпионатының финалында Аргентина құрамасы Францияны (негізгі уақытта 2:2, қосымша уақытта 3:3, - ред.) пенальтилер сериясында 4:2 есебімен жеңіп, әлем чемпионы атанған болатын.