Сенаттың бейсенбідегі отырысында қаржы министрі "Ұлттық қор – балаларға" бағдарламасында қазақстандық балалар есебіне қаражат доллармен аударылатынын мәлімдеді, деп хабарлайды Jambylinfo.kz 

2025 жылы 6,9 миллион балаға 889 млн долларға жуық ақша бөлінеді. Бұл бала басына шаққанда 120 доллардан келеді.  

АҚШ долларының бағамы 500 теңгеден асып кетті. Бұл Ұлттық қордан балаларға бөлінетін қаражат көлеміне әсер ете ме? 

Қаржы министрі Мәди Такиевтің сөзінше, қордағы ақша онсызда доллармен сақталады және балалардың шоттарына жіберіледі. Сондықтан алаңдауға негіз жоқ.