Бюджет Кодексін талқылау барысында сенат спикері Мәулен Әшімбаев министрлерді Илон Масктан үлгі алуға шақырды, - деп хабарлайды Jambylinfo.kz.

"Олар жаңа министрлік құрып оған Илон Маскты басшы етті. Бұл ведомство мемлекеттік органдардың бюджетін қысқартумен айналысып, олардың тиімділігін талдайды және тиімсіз шығындарды жояды. Алдағы уақытта олардың үнемдеуге қалай қол жеткізетінін көретін боламыз. Бізге, әрине, өзге елдердің тәжірибесін көшірудің қажеті жоқ, бірақ шығындарды оңтайландыру туралы ойлану маңызды", – деді Мәулен Әшімбаев.

Оның айтуынша, бұған жетудің екі жолы бар: Үкімет ұсынып отырған салық реформалары арқылы кірісті ұлғайту және бюджеттің теңгерімін сақтау үшін шығындарды қысқарту.