Қазақстан Президенті Қасым-Жомарт Тоқаев Никушор Данды Румыния Президенті лауазымына сайлануымен құттықтап, жеделхат жолдады, - деп хабарлайды Jambylinfo.kz 

Онда бұл жеңістің Румыния халқының жаңа сайланған Президентке және оның елдің дамуына бағытталған бастамаларына білдірген сенімінің айқын көрінісі екені атап өтілген.

 – Бұл жеңісіңіз – халқыңыздың Сізге және Румынияның дамуын баянды етуге бағытталған маңызды жоспарларыңызға көрсеткен қолдауы мен сенімінің айқын дәлелі деп білемін. Бірлескен күш-жігеріміздің арқасында Астана мен Бухарест арасында қалыптасқан дәстүрлі достық пен өзара тиімді ынтымақтастық алдағы уақытта да нығая түсетініне үмітім зор, – делінген жеделхатта.