Парижде Нұрғиса Тілендиевтің 100 жылдығына арналған халықаралық көрме ашылды, деп хабарлайды Jambylinfo.kz

Париждің  ЮНЕСКО штаб-пәтерінде қазақтың ұлы композиторы және Халық қаһарманы Нұрғиса Тілендиевтің 100 жылдығына арналған «Шабыт бастауы: Нұрғиса Тілендиевтің мұрасы» атты халықаралық көрменің салтанатты ашылуы өтті.

Аталған көрмеге Алматы қаласындағы Музейлер бірлестігінің қорынан 70-ке жуық жәдігер қойылды. Олардың қатарында композитордың партитуралары, сирек фотолары, жеке заттары және Ахмет Жұбанов сыйға тартқан әйгілі «Дариға домбыра» да бар.