Павлодарда бес қабатты үйден кішкентай бала құтқарылды, деп хабарлайды Jambylinfo.kz

Павлодар облысының 112 пультіне Толстой көшесіндегі бес қабатты тұрғын үйдің төртінші қабаттың ашық терезесінде кішкентай бала тұрғаны туралы хабарлама келіп түсті.

Оқыс оқиға орнына жедел түрде құтқару бөлімшелері жіберілді. Құтқарушылардың бірі қызбен есіктің сыртынан сөйлесе бастады, ал басқалары альпинистік құрал-жабдықтың көмегімен төбеге шығып, терезеден пәтерге кірді. Төрт жасар бала пәтерде жалғыз болған. Құтқарушылардың жедел әрекеттерінің арқасында қайғылы оқиғаның алдын алуға мүмкіндік туды.