Ресейде соңғы тәулікте коронавирус жұқтырудың расталған жағдайларының саны 39 669 адамға жетті, 64 адам ковидтан көз жұмған. Бұл туралы инфекциямен күрес жөніндегі федералды жедел штабтан мәлім етті Бір күн бұрын елде 40 010 коронавирус жұқтыру, 69 өлім жағдайы тіркелген. Падемия басталғалы Ресейде барлығы 19 117 343 коронавирусқа шалдығу, 383 560 өлім жағдайы болды. Соңғы тәулікте 22 236 адам сауығып шықса, бір күні бұрын олардың саны 24 222 болған. Падемия басталғалы сауығып шыққандар – 18 284 586. Бір тәулікте Ресейде 1 853 адам ковид жұқтырып, ауруханаға жатқызылды. Ауруханаға жатқызылғандар саны 11 өңірде артса, 66-сында азайды, тағы 8 өңірде жағдай өзгеріссіз.