Түркиядағы жер сілкінісін болжаған сейсмолог Франк Хугербитс биылғы наурызда жойқын зілзала болуы мүмкін екендігін айтады. Маманның мәліметінше, 2-5 наурызда ғаламшарлар геометриясының жақындауы 3-4 наурыз бен 6-7 наурызда сейсмикалық белсенділікке әкеп соғуы мүмкін. Салдарынан ғаламшардың 12 нүктесінде 8,5 магнитудалы жерасты дүмпулері болуы мүмкін. «Асыра сілтеп тұрған жоқпын. Үрей тудырғым келмейді. Бұл тек ескерту. Себебі ғаламшар геометриясы сейсмикалық құбылыстарға әкелетіні рас», – деді ол. Ол «қызыл аймаққа» енетін өңірлерді атады. Олар: Жапония, Грекия, Португалия, Индонезия, Пәкістан және Солтүстік Американың бір бөлігі мен Ресей.