Шығыс Қазақстан облысында жер сілкінісі тіркелді, деп хабарлайды Jambylinfo.kz

Төтенше жағдайлар министрлігінің баспасөз қызметінің мәліметінше, Шығыс Қазақстан облысының тұрғындары 2 балдық жер сілкінісін сезінді. 

«2025 жылғы 25 мамыр күні Астана уақытымен 07:35-те ҚР ТЖМ «Сейсмологиялық зерттеулер мен ақпараттың ұлттық ғылыми орталығы» ЖШС сейсмикалық станциялар желісі жер сілкінісін тіркеді», – делінген хабарламада.

Жер сілкінісінің эпицентрі Ресей аумағында, Алматы қаласынан солтүстік-шығысқа қарай 1162 шақырым жерде орналасқан.

Болжамды жер сілкінісінің күші:

Өскемен қаласында – 2 балл;

Катонқарағай ауылында – 2 балл.

Айта кетейік, зардап шеккендер мен қирау туралы ақпарат түскен жоқ.