Әлеуметтік желіде қара бетперде киіп қайырымдылық жасайтын белгісіз жігіт тағы бір отбасына қуаныш сыйлады, - деп хабарлайды Jambylinfo.kz.

Жұмбақ әрі жомарт жігіт бұл жолы мүмкіндігі шектеулі  16 жастағы Айнұр есімді қызға көмекке келді. 

Айнұрдың айтуынша, әжесі екеуі жалдамалы пәтерде тұрады. Ал анасы үш айлық сәби кезінде тастап кеткен екен.

"Аналар баласын ешқашан тастамауы керек, - деп ренішін жеткізген ол болашақта емделіп,  дизайнер және суретші  мамандығын игеруді армандайтынын айтқан. 

Бетперде таққан жігіт Айнұрдың ем-домына ақша ұсынып, баспана сыйлады. 

Мұндай сый күтпеген қыз қуаныштан жылап жіберді.