Қазақстан Республикасының Тәуелсіздік күні ел аумағындағы медициналық ұйымдарда 725 сәби өмірге келді, деп хабарлайды Jambylinfo.kz 

Ведомствоның мәліметінше, Тәуелсіздік күні туған нәрестелердің арасында ұлдар мен қыздардың саны бірдей – 362 және 363.

"Тәуелсіздік күнінде балалардың дүниеге келуі – ел үшін де, қуанышын атап өтетін отбасылар үшін де ерекше оқиға.

Перзентханалардың медицина қызметкерлері мереке күні аналар мен жаңа туған нәрестелерге сапалы және уақтылы көмек көрсетіп, жауапкершілік пен біліктіліктің жоғары деңгейін көрсетті", - делінген хабарламада.

Жаңа туған сәбилер мен олардың ата-аналарын қуанышты сәтпен құттықтай отырып, бүлдіршіндерге зор денсаулық, бақытты балалық шақ және тәуелсіз Қазақстанда жарқын болашақ тілейміз.