Қазақстанда шығармашыл және белсенді жастарды қолдауға бағытталған «Тәуелсіздік ұрпақтары» грантына өтінім қабылдау басталды, деп хабарлайды Jambylinfo.kz 

2025 жылы байқау аясында әрқайсысы 3 миллион теңге көлеміндегі 30 грант бөлінеді. Грантқа 14 пен 34 жас аралығындағы кез келген Қазақстан азаматы қатыса алады.

Гранттар төмендегі алты бағыт бойынша жобаларды жүзеге асыруға беріледі:

 Ғылым – жаңа ғылыми жобалар мен зерттеулерді іске асыруға;

 Мәдениет – Қазақстанның мәдени мұрасын насихаттау, халықтық дәстүрлер мен өнерді дәріптеу жобаларына;

Ақпараттық технологиялар – жаңа IT-жобаларды әзірлеу мен іске асыруға;

 Бизнес – жаңа кәсіпкерлік идеяларды жүзеге асыруға;

 Медиа – жаңа медиа-жобаларды, соның ішінде әлеуметтік жобаларды дамытуға;

 Волонтерлік – өзекті әлеуметтік мәселелерді шешуге бағытталған волонтерлік бастамаларға.

Конкурсқа қатысу үшін қажетті құжаттар тізімі (мемлекеттік және (немесе) орыс тілдерінде):

1) 1-қосымшаға сәйкес нысан бойынша конкурстық өтінім (PDF форматы);

2) 2-қосымшаға сәйкес нысан бойынша жобаның сипаттамасы (word форматы);

3) Жоба бойынша бейнематериал (60 секундтан аспайтын) немесе презентация
(10 слайдтан аспайтын);

4) 3-қосымшаға сәйкес нысан бойынша шығындар сметасының жобасы
(word форматы);

5) Зияткерлік меншік туралы мәліметтер (бар болса, PDF форматы);

6) Жеке куәлік немесе туу туралы куәліктің көшірмесі (PDF форматы).

«Тәуелсіздік ұрпақтары» грантын беру қағидалары (жүктеу)