Петропавл қаласында екі жасар бала күнбағыс дәнегіне тұншығып, қайтыс болды. Бұл ақпаратты Солтүстік Қазақстан облыстық полиция департаментінің баспасөз қызметі растады, деп хабарлайды Jambylinfo.kz 

Ведомствоның мәліметінше, бала оқыс жағдайда тұншығып қалған.

«Бірлік» шағын ауданында күнбағыс дәнегіне тұншығып, екі жасар бала көз жұмды. Аталған дерек бойынша қылмыстық іс тіркеліп, оқиғаның мән-жайын анықтау мақсатында тергеу жүргізілуде», – делінген полицияның ресми хабарламасында.

Тиісті сот-медициналық сараптамалар тағайындалып, бала өлімінің нақты себептері мен оған ықпал еткен факторлар зерттеліп жатыр.

Жергілікті дәрігерлер мен құтқарушылар балалар арасында тұрмыстық қауіпсіздік шараларын сақтау керектігін ескертіп отыр. Ұсақ заттар, оның ішінде жаңғақ, дәнек, ұсақ ойыншықтар, кәмпит секілді тағамдар кішкентай балалар үшін тұншығу қаупін тудыратынын ата-аналар естен шығармауы тиіс.