Дауыс беру құқығына ие 71 елден 133 кардинал қатысады, деп хабарлайды Jambylinfo.kz.

Папа болу үшін үміткер кардиналдардың кемінде үштен екісінің дауысын алуы керек.

Үміткерлердің қажетті дауысты жинауы бірнеше күнге созылуы мүмкін.

«Фавориттер ретінде италиялық кардинал Пьетро Паролин мен филиппиндік кардинал Луис Антонио Тагле қарастырылуда», — деп жазады Reuters агенттігі.

Ақ түтіннің көтерілуі мен қоңыраулардың соғылуы 1,4 миллиард діндар мүшесі бар шіркеудің жаңа басшысы сайланғанын білдіреді. Жаңа понтификті таңдау католиктердің болашағы үшін маңызды бағытты айқындайды: шіркеу қазіргі Папа Францисктің бастаған либералды реформалар жолымен кете ме, әлде дәстүрлі консервативтік бағытқа қайта орала ма — осы сауал алда анықталмақ.

Папа Франциск бұл қызметті 12 жыл атқарды және өзінен кейінгі мұрагерді сайлайтын кардиналдардың шамамен 80 пайызын өзі тағайындаған.