Таразда волейболдан Қазақстан Республикасының VI жазғы спартакиадасы басталды. Ерлер арасында Жамбыл, СҚО, Жетысу, Атырау, Алматы, Қарағанды, Ақтөбе, Маңғыстау, Түркістан, Павлодар облыстары Астана, Алматы, Шымкент қалаларының құрамалары бақ сынайтын болады. Әйелдер құрамалары сапында Жамбыл, БҚО, Қарағанды, Алматы, Маңғыстау, СҚО, Атырау, Ақтөбе, Павлодар, Түркістан, ШҚО облыстарының және Астана, Алматы, Шымкент шаһарларының бұрымды спортшылары өнер көрсетпек. Спартакиаданың басты мақсаты - Ханчжоуда өтетін 19-шы жазғы Азия ойындарына және 2024 жылы Парижде өтетін Олимпиада ойындарына іріктеу. Сонымен қатар, ерлер және әйелдер арасында Ұлттық құраманы жасақтау. Айта кетейік, волейболдан ерлер және әйелдер арасындағы Қазақстан Республикасының VI ЖАЗҒЫ СПАРТАКИАДАСЫ 3-ші маусымға дейін жалғаспақ.