Қостанайлық Саида Сисембаева «Әйелді хиджаб кимегені үшін өлтіреді» деген әнші Ұланғасыр Қамидің үстінен арыз түсірген болатын. Алайда ІІМ әншінің бұл сөзінен ешқандай қылмыстық құқық бұзушылықтың құрамы жоқ екенін хабарлаған, деп жазады Jambylinfo.kz.

Бұл туралы Саида Сисембаева Facebook-тегі парақшасына жазған.

– Менің өтінішім қанағаттандырылған жоқ. Алматы қаласының полиция департаменті өтінішімді тіркемеді. Олардың айтуынша, әнші Ұланғасыр Камиевтің сөздерінде ешқандай қылмыс құрам жоқ екен. Әнші сөзінде әйелдерді күйеулерінің өлтіруін ашық ақтаса да, біздің полиция оған көз жұма қарап отыр. Енді әншінің бұл пікірін қолдайтын ер адамдар әйелдерін хиджаб кимегені үшін өлтірсе не болады. Бұл сұмдық қой,– деп жазды Саида Сисембаева ашынып.