Негізі, күз ең көп астық сатылатын шақ саналады. Оның үстіне бидай мен ұнды сыртқа шығаруға қойған жазғы шектеуін Үкімет алып тастады. Алайда бұл думаннан Қытай қалыс қалады. "ҚТЖ-ЖТ" осы қыркүйек айына экспорттаушылардан ҚХР-ға жалпы көлемі 147,3 мың тонна бидай жеткізу туралы өтінішіне келісімін беріпті. Оның 124,3 мың тоннасы "Достық", қалған 19,4 мың тоннасы "Алтынкөл" шекаралық өтпесі арқылы жіберіледі деп жоспарланды. Дегенмен шың елі қыркүйекте соның тек 18,6 мың тоннасын өткізген. Жоспар 26% ғана орындалды.