Жамбыл облысында қазіргі таңда 15 дене шынықтыру–сауықтыру кешенінің құрылысы жүзеге асуда. Оның 14-і биыл ел игілігіне беріледі деп жоспарланған. Атап айтқанда, Байзақ - 1, Жамбыл - 3, Жуалы - 3, Қордай - 1, Меркі - 2, Мойынқұм – 1, Т.Рысқұлов - 2, Талас ауданында 1 спорт нысаны салынуда, деп хабарлайды jambylinfo.kz.
Бұдан бөлек 29 кіші футбол, 66 балалар ойын, 26 заманауи спорт алаңдарын салу жоспарланған.
Айта кетейік, өткен 2023 жылы 23 спорт нысанның құрылысына 3,1 млрд теңге бөлініп, оның 10-ы пайдалануға берілген болатын. Айта кетейік, Мемлекет басшысы бұқаралық спортты дамыту үшін спорт кешендерін арттыруды тапсырған еді.
– Ұлт денсаулығын бекемдеу мәселесі де өте өзекті. Барлық жас санаты арасында бұқаралық спорт түрлерін насихаттай беру керек. Балалар үшін спорттық инфрақұрылымның барынша қолжетімді болуын қамтамасыз ету керек. Бұқаралық спортты дамыту – пирамидаға айналуы қажет. Оның басына чемпиондар шықса, оның негізінде біз сау әрі саналы ұрпақты, мықты ұлтты қалыптастырамыз, – деген еді Қасым-Жомарт Кемелұлы.
Автор
jambylinfo.kz
Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз
Ұқсас жаңалықтар
