Конституция күні қарсаңында Шу қаласында бірқатар отбасы баспаналы болды. Жамбыл облысының әкімі Ербол Қарашөкеев үйлі болған қоныс той иелерін құттықтап, салтанатты түрде пәтер кілттерін табыстады, деп хабарлайды Jambylinfo.kz.

Салтанатты шарада аймақ басшысы сөз алып, жаңа баспанаға ие болған азаматтарды құттықтап, ақ тілегін айтты.

Мұнан кейін Ербол Шырақбайұлы көпбалалы ана Гүлзинат Аманжолованың жаңа шаңырағына құтты болсын айтып, теледидар тарту етті.

Айта кетейік, қазіргі кезде Шу қаласында 1 745 азамат тұрғын үй кезегінде тұр. Облыс әкімінің тапсырмасына сәйкес өткен жылы қала тұрғындарын баспанамен қамту мақсатында «Қуатты өңірлер – ел дамуының драйвері» ұлттық жобасы бойынша 60 баспана табысталған. Төле би ауылында 14 пәтерлі жатақхана пайдалануға берілді. Жыл соңына дейін 100 тұрғын үйдің кілтін тапсыру жоспарланған.