21 сәуірден бері 91 бірлік қару өз еркімен тапсырылған. Оның ішінде 13-і – ойық ұңғылы, 78-і – тегіс ұңғылы қару.

Аталған шараның негізгі мақсаты – қоғамдық қауіпсіздікті қамтамасыз ету және заңсыз қару айналымының алдын алу. Азаматтар ерікті түрде тапсырған қару-жарақ үшін олардың техникалық жағдайына қарай ақшалай сыйақы төленеді. Қару тапсырған азаматтар қылмыстық және әкімшілік жауапкершіліктен босатылады.

Қазіргі таңда тапсырылған қару түрлеріне баллистикалық сараптама тағайындалған. Сараптама қорытындысынан кейін тиісті өтемақы белгіленеді. Тұрғындар атыс қаруын, оқ-дәрілер мен жарылғыш заттарды облыстық және аудандық полиция бөлімдеріне тапсыра алады.

Полиция департаменті азаматтарды бұл мүмкіндікті пайдаланып, заңсыз сақталған қаруды өз еркімен тапсыруға шақырады. Заңсыз қару анықталған жағдайда ҚР Қылмыстық кодексінің 287-бабына сәйкес жауапкершілік қарастырылғанын еске салады.