Актриса әрі әнші Жарқынай Ханайым мәдениет пен өнер саласындағы жоғары марапатқа ие болды, - деп хабарлайды Jambylinfo.kz 

«21 мамыр мәдениет және өнер қызметкерлері күніне орай Қазақстан Президентінің 2025 жылғы 16 мамырдағы Жарлығымен «Қазақстанның еңбек сіңірген қайраткері» құрметті атағын алдым. Бұл атақты маған білімін берген, еңбегін сіңірген ұстаздарымның ақталған еңбегі деп білемін. Өнер жолында тоқтамай, еңбек етуіме үлкен шабыт деп қабылдаймын. Өздерінен оздырып, мен сахнаға шыққанда тақымын қысқан ұстаздарыма алғысымды білдіремін», - деп жазды өнер иесі.