Раим лақап атымен танымал  Райымбек Бақтыгереев Алматыда өткен жеке концертінде Мейрамбек Бесбаевпен дуэт орындап, әнсүйер  қауымға тосынсый жасаған, деп хабарлайды Jambylinfo.kz.
Мейрамбек Бесбаев желідегі парақшасына концерттен видеолар жүктеп, Раимның өнеріне жоғары бағасын берген. 

«Жастардың ішінде шоқтығы биік, әуезі де әні де ерекше, талантымен талайды таң қалдырып жүрген Раимның кеші жоғарғы деңгейде өтті. Алып мегаполистің төріндегі 15 мың адамдық «Алматы аренаның» атмосферасын сөзбен жеткізу мүмкін емес. Жарайсың, бауырым. Бұл сенің күнді күнге , түнді түнге жалғап еткен тынымсыз еңбегіңнің жемісі. Біздің дуэт елге ұнап жатса бұл сенің кіршіксіз көңілің мен таза жаныңның жемісі. Осы жолдан айныма", - деп жазды Мейрамбек Бесбаев Instagram-дағы парақшасында.
 

Ал әлеуметтік желі қолданушылары әртүрлі жандрда ән салатын әншілердің өнеріне әрқилы пікір білдірген. Олардың көбі өнерпаздардың дуэтін жоғары  бағалаған.