Жуалыда «Әлихан Бөкейханның ұлт тәуелсіздігі жолындағы қызметі» атты аудандық пікірсайыс турнирі ұйымдастырылды, - деп хабарлайды Jambylinfo.kz

Іс-шара аудандық жастар ресурстық орталығы, аудандық білім бөлімі, «AMANAT» партиясы жанындағы «Жастар рухы» жастар қанаты және №15 Ә. Бөкейханов атындағы тірек мектебінің қолдауымен өтті.

Турнирдің басты мақсаты – жастардың қоғамдық белсенділігін арттыру, көпшілік алдында сенімді әрі дәлелді сөйлеуге үйрету және ұлттық тарихты терең түсінуге ықпал ету. Жарыс 7 қарардан тұрды, қатысушылар өз ойларын еркін жеткізіп, пікірталас мәдениетін жоғары деңгейде көрсете білді.

Қызықты да тартысты өткен пікірсайыс нәтижесінде:
1-орын – «Квантум» командасы
2-орын – «Азамат» командасы
3-орын – «Мағжан жастары» және «Twix» командалары

Жеңімпаздар мен жүлдегерлер ұйымдастырушылар тарапынан дипломдармен және ынталандыру сыйлықтарымен марапатталды.

Осындай іс-шаралар жастардың тарихи санасын жаңғыртып, ел дамуына бей-жай қарамай, ұлттық құндылықтарды дәріптеуіне мүмкіндік береді. Әлихан Бөкейхан идеяларын кеңінен насихаттауға бағытталған бұл турнир алдағы уақытта да жалғасын табады деп күтілуде.