Жыл сайын медицина қызметкерлеріне қатысты 300-ге жуық қылмыстық-іс қозғалады
Бұл туралы Денсаулық сақтау министрі Ажар Ғиният ҚР Парламентінің Мәжіліс отырысында айтты, деп хабарлайды El.kz.
«Жыл сайын медицина қызметкерлеріне қатысты кәсіптік міндеттерін тиісінше орындамағаны үшін Қазақстан Республикасы Қылмыстық кодексінің 317-бабы бойынша 300-ге жуық іс ашылады. Қылмыстық істер көбінесе хирургиялық бейіндегі өлім қаупі бар мамандарға қозғалады», - деді министр.
Олардың ішінде акушер-гинекологтарға 14, хирургтарге 14, травматологтарға 8, анестезиологтарға 6 қылмыстық іс қозғалғанын атап өтті.
«Зардап шеккендердің пайдасына моральдық және материалдық залал өтемақысын төлеудің жалпы мөлшері 40 миллион теңгеден асты. Сақтандыру төлемдері соттың шешімі бойынша сақтандыру полисі болған кезде жүзеге асырылады, қылмыстық жауаптылық танылған жағдайда төленбейді. Осылайша, медициналық инцидент туындаған кезде медицина қызметкері жалақысының деңгейі пациенттің денсаулығына келтірілген зиянды өз бетінше өтеуге мүмкіндік бермейді», - деді министр.
Айта кетейік, бұған дейін денсаулық сақтау министрі медицина қызметкерлерінің жазасын жеңілдеу бойынша заң жобасын ұсынған болатын.
Автор
jambylinfo.kz
Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз
Келесі мақала
Атырауда алабай ит ер адамды талап тастады
Ұқсас жаңалықтар
