Бокстан әуесқойлар арасында әлем чемпионы, қазіргі кезде кәсіпқой бокс бет бұрған Бекзат Нұрдәулетов жылына 20 астам кітап оқитынын айтты, деп хабарлайды Jambylinfo.kz.

Бұл туралы спортшы журналист Аслан Қаженовтің "Спорт министрі" ютуб арнасына берген сұхбатында тілге тиек еткен. 

"Жылына 20 кітап оқуды алдыма мақсат етіп қойдым.  Қазіргі оқып жатқан кітабым, "Көшпенділер". Бұл кітап әр қазақ баласының патриоттық сезімін арттырады. Шыққан тегіміз бен шежіремізді жатқа білу бұл біздің міндетіміз деп білемін. Кез келген жерде тіпті шет елдерге барғанда қазақ екенімізге мақтанып, қандай ел екенімізді есеңімізді нық көтеріп көрсетіп қана қоймай айта да алуымыз керек. Қандай салада жүрсең де кітап оқып даму артық етпейді. Жалпы білім алып кітап оқып даму  ол мамандық пен жасқа қарамайды.", -деп жауап берген боксшы.