Оқу-ағарту министрлігі орта білім комитетінің төрағасы Қаныбек Жұмашев мұғалімдердің біліктілік санатынан өту үшін аттестаттау қағидаларына өзгерістер енгізілгенін айтты, деп хабарлайды Jambylinfo.kz

Оның сөзінше, педагог-модератор біліктілік санатынан өту бойынша аттестация “Ұстаз” платформасында жүзеге асады. 

“Ұстаз” ұлттық платформасының енгізілуіне байланысты педагогтерді аттестаттау қағидаларына ашықтықты қамтамасыз етуге және педагогтердің кәсіби өсуіне жағдай жасау үшін бірқатар өзгерістер енгізілді. Солардың кейбіреулеріне тоқталып өтейін. Педагог-модератор педагог-сарапшы біліктілік санатына өту үшін аттестация “Ұстаз” платформасында жүргізіледі. Ал, қалған санаттар үшін дәстүрлі форматта электронды үкімет веб порталы арқылы немесе қызмет көрсетуішінің кеңсесі арқылы жүзеге асады,- деді комитет төрағасы.