Ұлттық экономика министрі Нұрлан Байбазаров ай сайынғы табысының қанша теңгесін коммуналдық қызметтердің ақысын төлеуге жұмсайтынын мәлімдеді, деп хабарлайды jambylinfo.kz. 

Үкіметте өткен брифингте журналистер ақпан айында коммуналдық қызметтер тарифі өсіп кеткенін айтып, министрден ай сайын қанша ақша төлейтінін сұрады. 

"Мен нақты айта алмаймын, білуімше, 100 мың теңгенің айналасында", - деп қысқа қайырды Байбазаров. 

Оның айтуынша, коммуналдық қызметтер саласындағы инфрақұрылымды жаңартуға құйылып жатқан инвестиция мен тарифті көтеру қаншалықты негізді екені тексеріледі. 

"Біз тәуелсіз аудит арқылы жылу болсын, электр энергиясы болсын, бұл инвестициялар жаңартуға қаншалықты қажет екенін тексергіміз келеді. Екіншіден, тарифтер қазіргідей бірден көтерілмеу үшін тарифтік саясатты өзгертуді көздеп отырмыз. Тариф негізделген түрде және бірқалыпты өсуі керек", - деді ведомство басшысы. 

Ол өкілетті органдарға тиісті тапсырмалар берілгенін атап өтті.