ҚР Премьер-Министрі Олжас Бектенов Риддердегі жұмыстарды күшейту үшін Үкімет резервінен қосымша қаражат бөлу туралы қаулыға қол қойды. Құжатқа сәйкес, Риддердің жылу желілерін күрделі жөндеу үшін резервтен 2,4 млрд теңге бөлінеді, деп хабарлайды jambylinfo.kz.

Дереккөзіне сүйенсек, былтыр жылу беру маусымында қалада  25 технологиялық ережелерді бұзу фактісі тіркелген.

«Кейінге қалдыруға болмайтын қажетті шұғыл жұмыстарды ескере отырып, ҚР Үкіметі резервінен Риддер қаласының «Водоканал» ШЖҚ МКК жылу желілерін күрделі жөндеуге 2,4 млрд теңгеден астам қаражат бөлді. Бұл олардың тозу деңгейін жарамды көрсеткіштерге дейін жеткізуге және қысқы кезеңге дайындығын қамтамасыз етуге мүмкіндік береді. 50-ден астам учаскеде жұмыстар жүргізілмек», - деп хабарлайды Үкімет.