Алматы қаласындағы Титов асуында (теңіз деңгейінен 3400 метр биіктікте) екі турист қар көшкіні астында қалып қойды, деп хабарлайды Jambylinfo.kz 

Оқиға орнына Алматы қаласы Төтенше жағдайлар департаменті-нің 23-әмбебап құтқару бөлімшесі, «Барыс» қызметінің мамандары, кинологиялық жасақ пен еріктілер жедел аттанды.

Іздестіру-құтқару жұмыстары кезінде ұшқышсыз ұшу аппараты пайдаланылды.

"Жүргізілген жұмыстардың нәтижесінде қардың астынан қаза тапқан адамның денесі шығарылды. Оқиға орнында полиция қызметкерлері мен құтқару қызметінің психологтары жұмыс істеді", – делінген хабарламада.