Алматыда жедел жәрдем көлігімен жеңіл автокөлік соқтығысып, салдарынан бір адам қаза тапты, деп хабарлайды Jambylinfo.kz

Бұл туралы қалалық полиция департаменті мәлімдеді .

Апат түнгі 00:40-та Саин көшесінде болған.

Полицияның мәліметінше, солтүстікке қарай бағыт алған жедел жәрдем жүргізушісі бұрылыс кезінде оңтүстікке қарай жүріп келе жатқан Kia көлігімен соқтығысқан.

Жол апатынан екі көліктің де жүргізушілері мен жолаушылары жарақат алған.

Зардап шеккендердің бірі – 2002 жылы туылған бойжеткен. Ол жол апаты болған сәттен бірнеше сағат өткеннен кейін ауруханада көз жұмған. Оқиға кезінде ол жедел жәрдем көлігінде болған.