Вице-министрдің айтуынша, қазіргі таңда Қазақстан аумағында 103-тен астам түрлі пайдалы қазба түрі мен 10 мыңға жуық кен орны мемлекеттік есепке алынған, деп хабарлайды Jambylinfo.kz 

Сондай-ақ, 2,9 мыңнан астам лицензия және 250-ге тарта қатты пайдалы қазбалар бойынша келісімшарт қолданыста екені атап өтілді.

«Геологиялық барлау жұмыстарының нәтижесінде алғаш рет 5 кен орыны мемлекеттік есепке алынды. Олар – Көк-Жон, Алтын-Шоко, Самомбет, Студенческий және Тақыр-Қалжыр кен орындары. Қор көлемі 98 тонна алтынға, 36 мың тонна мысқа, 11 миллион тонна марганецке және 1,3 миллион тонна фосфоритке артты», — деді Иран Шархан Үкімет отырысында.