Астанада полицейлер аккумулятор ұрлығын әшкереледі, деп хабарлайды Jambylinfo.kz

Polisia.kz жазғандай, Астана қаласында Сарыарқа аудандық криминалдық полиция басқармасының қызметкерлері жедел-іздестіру іс-шаралары барысында автокөліктен аккумулятор ұрлаған азаматты қолға түсірді.

Тексеру нәтижесінде 41 жастағы ер адамның таңғы сағат 06:00 шамасында тұрғындар ұйықтап жатқан сәтті пайдаланып, жеке үйлердің жанында тұрған автокраннан аккумуляторды шешіп алғаны анықталды. Кейін ол ұрланған затты металл қабылдау пунктіне өткізіп жіберген.

- Қазіргі уақытта күдікті уақытша ұстау изоляторына қамалды. Ол өз кінәсін толық мойындап отыр. Аталған дерек бойынша қылмыстық іс қозғалып, тиісті тергеу амалдары жүргізілуде, - делінген хабарламада.