«Ордабасы» футбол клубында кадрлық өзгеріс орын алды, деп хабарлайды Jambylinfo.kz 

Клуб президентінің кеңесшісі қызметіне Ермұхамед Мәулен тағайындалды. Бұл туралы команданың баспасөз қызметі мәлімдеді.

Ермұхамед Мәулен бұған дейін Қазақстан футбол федерациясында бірқатар жауапты қызметтер атқарған. Атап айтқанда, ол ҚФФ-ның Қоғаммен байланыс және коммуникациялар департаментін басқарды, федерация президентінің кеңесшісі болды әрі Қазақстан ұлттық құрамасының баспасөз хатшысы қызметін атқарды.