Газбен жабдықтау саласындағы апаттың 70%-ы газ баллондарына байланысты болады. Бұл туралы ҚР ТЖМ Өнеркәсіптік қауіпсіздік комитетінің төрағасының міндетін атқарушы Рашид Дубаев айтты, деп хабарлайды Jambylinfo.kz

Спикердің айтуынша, газбен жабдықтау саласындағы апатқа байланысты кейінгі кезде жарияланған статистика алаңдаушылық туғызып отыр. 

«Оқиғалардың негізгі үлесі жылыту кезеңіне тиесілі: жағдайлардың 70%-ы газ баллондарына байланысты проблемалар, 25%-ы улы газбен улану және 5%-ы басқа оқиғалар», - деді ол ОКҚ алаңында өткен баспасөз мәслихатында.