Ұлттық қауіпсіздік комитеті ІІМ-мен өзара әрекеттесе және прокуратура органдарының үйлестіруімен Астана және Павлодар қалаларында 3 күдіктіні ұстады, деп хабарлайды Jambylinfo.kz ҰҚК баспасөз қызметіне сілтеп
Ұлттық қауіпсіздік комитетінің дерегінше, ұсталған азаматтар терроризмді насихаттады және республика аумағында тыйым салынған діни-экстремистік ұйымның қызметіне қатысты деп күдіктелуде. Сонымен қатар, тінту барысында діни әдебиеттер мен өзге де заттай дәлелдемелер алынған. 

     Күдікті адамдар бұрын жалпы қылмыстық және экстремистік қылмыстар жасағаны үшін сотталған. Қылмыстық кодекстің 256 және 405-баптары бойынша сотқа дейінгі тергеп-тексеру жүргізілуде. Қылмыстық-процестік кодекстің 201-бабының 1-бөлігіне сәйкес өзге де ақпарат жария етуге жатпайды,- делінген хабарламада.