Қазақстандағы танымал әнші Серікбол Сайлаубек шаңырақ көтерді. Nur.kz сайтының жазуынша, әнші екінші рет бас құрап отыр, деп жазады jambylinfo.kz.

Танымал асаба Руслан Ысқақов Серікбол Сайлаубектің отбасын құрғанын айтып, Instаgram-дағы парақшасында видеолар жариялаған.

Оның тойына келген қонақтар арасында әнші Сәкен Майғазиев, Ұланғасыр Кәмиев, Ермек Меденов сияқты өнер иелерімен қатар, Ахметжан Есімов сияқты экс-шенеуніктер бар.

Дереккөзіне сүйенсек, Серікбол Сайлаубектің таңдауы Назкен есімді аруға түскен. Алайда өнер иесінің келіншегі жайлы әзірге басқа ақпарат жоқ. Әншінің өзі Instagram-дағы парақшасына үйлену тойынан видео жүктеген жоқ.